पोर्चुगलमा अस्ताए कैलालीका महेश

धनगढी: पोर्चुगलमा सवारी दुर्घटनामा परी कैलालीका एक युवकको मृत्यु भएको छ। जानकी गाउँपालिका–९ का २६ वर्षीय महेश थापाको मृत्यु भएको हो। तोरेस भेद्राजस्थित पात्रेसिया पिलार भन्ने प्याकिङ्ग कम्पनीमा कार्यरत थापा आइतबार सडक दुर्घटनामा मृत्यु भएको जनाइएको छ। 

तोरेस भेद्राजको पालिग्रेस भन्ने ठाउँमा उनलाई गाडीले ठक्कर दिएको थियो। दुर्घटनामा परेपछि उनलाई उपचारका लागि तोरेस भेद्रसको सेन्ट्रो हस्पिटल दु ओएस्ट लगिएको थियो। उनको सोही अस्पतालमा निधन भएको जनाइएको छ।
थापा ३ वर्षअघि रोजगारीको सिलसिलामा पोर्चुगल गएका थिए। घटनापछि तोरेसमा रहेका एनआरएनए पोर्चुगलका कार्यसमिति सदस्यहरु भुवन कडेंल र गिरीजा छन्त्यालले घटना बारेमा जानकारी लिने, समन्वय र सहयोग पुर्याउने काम गरिरहेका छन्।