भिरबाट लडेर बैतडीमा एक महिलाको मृत्यु

बैतडीः भिरबाट लडेर बैतडीमा एक महिलाको मृत्यु भएको छ।

जिल्लाको सिगास गाउँपालिका–३ तल्ला हल्कासैनीका खेमसिंह धामीकी श्रीमती ३८ वर्षीया भावना धामीको मृत्यु भएको हो। मंगलबार दिउँसो घरनजिकैको त्वापोड भन्ने भिरबाट लडेर धामीको मृत्यु भएको हो।

बाख्रा चराउन गएकी धामीको भिरबाट लडेर घटनास्थलमै मृत्यु भएको आफन्त दिपेन्द्रसिंह धामीले बताएका छन्। मृतक धामीका ३ छोरा छन्।