ओलीलाई कालोझण्डा देखाउन खोज्ने ११ जना प्रहरीको नियन्त्रणमा

काठमाडौँः प्रधानमन्त्री एवम् नेकपा (एमाले) का अध्यक्ष केपी शर्मा ओलीलाई कालोझण्डा देखाउन खोज्ने समुहलाई प्रहरीले नियन्त्रणमा लिएको छ।

आइतवार दिउँसो दमक चोकमा प्रधानमन्त्री ओलीको आगमनलाई लक्षितगरी कालो झण्डा देखाउने तयारी गरिरहेका ११ जनालाई प्रहरीले नियन्त्रणमा लिएको जनाएको छ।

प्रधानमन्त्री ओलीसहित उपप्रधानमन्त्री तथा शहरी विकासमन्त्री प्रकाशमान सिंहलाई कालो झण्डा देखाउन खोजेपछि दमकको आकाशे पुल छेउबाट ११ जनालाई नियन्त्रणमा लिइएको प्रहरीले जनाएको छ। कोशी प्रदेश नामकरणको बिषयमा असन्तुष्टि पोख्दै आएका समूहले कालोझण्डा देखाउने तयारी गरेको थियो।