बाजुरामा जिप दुर्घटना हुँदा ७ जना घाइते

बाजुराः बाजुरामा जिप दुर्घटना भएको छ। जिल्लाको हिमाली गाउँपालिका–६ स्थित धिम गाउँमा जिप दुर्घटना भएको हो। दुर्घटनामा परेर ७ जना घाइते भएका छन्।

धिममा एभरेष्ट इन्टरनेटको नेट जडानका लागि १३ जना सवार रहेको जिप अनियन्त्रीत भएर दुर्घटना भएको जिल्ला प्रहरी कार्यालय बाजुराले जनाएको छ। घाइते ७ जनाको उद्धार गरी कोल्टी अस्पतालमा उपचारका लागि पुगाइएको प्रहरीले बताएको छ। घाइतेको परिचय भने खुलेको छैन।