अछाममा दुर्घटना हुँदा दुई सञ्चारकर्मी घाइते

धनगढीः अछाममा दुर्घटना हुँदा दुई सञ्चारकर्मी घाइते भएका छन्। जिल्लाको कैलाश खोला नजिक बिहिवार दिउँसो भएको दुर्घटनामा रेडियो रामारोशनका कार्यकारी प्रमुख ४० वर्षीय कृष्ण बुढा र सोही रेडियोमा कार्यरत २२ वर्षीया रेनुका परियार घाइते भएका हुन।

उनीहरू सवार से ६ प ७९९९ नम्बरको मोटरसाइकल तुमाखाँद गाउँपालिका–८ का रोशन रिमालले चलाएको सुदूरपश्चिम प्रदेश ०१–००२ त ६४८१ नम्बरको ट्याक्टरसँग ठोकिएको हो। जिल्लाको ढकारी गाउँपालिका–१ का बुढाको हातमा चोट लागेको प्रहरीले बताएको छ। रेनुकाको अवस्था सामान्य रहेको जिल्ला प्रहरी कार्यालय, अछामले जनाएको छ। उनीहरू उपचारपछि घर फर्किएका छन्।