धनगढीमा डिभा मोटर्सबाट जावा मोटरसाइकलको बिक्रीवितरण सुरु
२०७८ मंसिर ७, ०१:२१
धनगढी: नेपालका लागि जावा मोटरसाइकलको आधिकारिक बिक्रेता अग्नि इन्कर्पोरेटेडले आजदेखि धनगढीबाट मोटरसाइकलको बिक्रीवितरण सुरु गरेको छ। धनगढी उपमहानगरपालिका -४ बोराडाँडी, आर्मी ब्यारेक अगाडि रहेको डिभा मोटर्सले आधिकारिक बिक्रेताको रुपमा मोटरसाइकल बिक्रीवितरण सुरु गरेको हो।
मंगलबार सुदूरपश्चिम डिलर एसोसिएसन (साडा)का अध्यक्ष, कैलाली उद्योग वाणिज्य संघका वरिष्ठ उपाध्यक्ष पुष्कर ओझाले शो रुमको उद्घाटन गरेका हुन्। डिभा मोटर्सका प्रोप्राइटर गोविन्द रेग्मिले जावा पिराक सिंगल सिटर, जावा ४२ सिंगल र डबल एबियसमा उपलब्ध रहेको बताए। उनका अनुसार अहिले पिराकको मूल्य ७ लाख ५० हजार, जावा ४२ सिंगल एबिएसको ६ लाख २० हजार छ भने डबल एबियसको ६ लाख ४७ हजार छ।
कमेन्ट लोड गर्नुस