कैलालीमा मोटरसाइकल र अटो एक आपसमा ठोक्किदा शिशु सहित ५ जना घाइते

धनगढीः कैलालीमा मोटरसाइकल र अटो एकआपसमा ठोक्किदा ६ महिनाको शिशु सहित ५ जना घाइते भएका छन्।

जिल्लाको गौरीगंगा नगरपालिका–२ आमबगैयामा से ५ प १५९७ नम्बरको मोटरसाइकल र सूदुरपश्चिम प्रदेश ०१००१ ह ३१२७ नम्बरको अटो एकआपसमा ठोक्किदा सूदुरपश्चिम प्रदेश ०१००१ ह ५३८२ नम्बरको अटोमा समेत ठोक्किदा ६ जना घाइते भएका हुन्। घाइते हुनेमा मोटरसाइकल चालक २९ वर्षीय कृष्ण थारु चौधरी, १८ वर्षीया स्मृती चौधरी, १६ वर्षीया बिनिता चौधरी, ७० वर्षीय प्रेम विक, २० वर्षीया पुजा विक र पुजा बिकका ६ महिनाका शिशु गगन विक घाइते भएका जिल्ला प्रहरी कार्र्यालय कैलालीले जनाएको छ।

घाइते ६ जनामध्ये मोटरसाइकलचालक कृष्ण थारु चौधरीको अवस्था मध्यम र अरु ५ जनाको अवस्था सामान्य रहेको प्रहरीले जनाएको छ।