श्री एयरलायन्सबाट गायिका समीक्षा अधिकारीलाई धोका
काठमाडौँ : गायिका समीक्षा अधिकारीले श्री एयरलायन्सबाट आफूले धोका पाएको गुनासो गरेकी छन्। एयरलायन्सले समयमा नै उडान नगर्दिँदा आफ्नो कार्यक्रमनै छुटेको उनको गुनासो छ।
बिहान ८ बजेको प्लेन अब दिउँसो २ बजे मात्रै उड्छ भन्दै श्री एयरलायन्सले यात्रुलाई एयरपोर्टमै अलपत्र पारेको उनको गुनासो छ। उनले भनेकी छन् ‘मौसम खराबीले उडान प्रभावित हुनु त स्वाभाविककै हो। तर एयरपोर्ट खुलिसक्दा पनि बिहान ८ बजेको प्लेन अब दिउँसो २ बजे मात्रै उड्छ भन्दै श्री एयरलायन्सले यात्रुलाई एयरपोर्टमै अलपत्र पारेको छ। अन्य एयरलायन्सले धमाधम प्लेन उडाईरहेका छन्।
एयरलायन्सबाट धोका पाएपछि नेपालगञ्जको कार्यक्रम नै छुटाउनु परेको उनको भनाई छ। ‘केहि दिनअघि पनि मैले यहि एयरलायन्सबाट धोका पाएपछि नेपालगञ्जको कार्यक्रम नै छुटाउनु परेको थियो। आज पनि म बिहानैदेखी काठमाडौँ एयरपोर्टमै छु। श्री एयरलायन्सबाट धोका पाउने म पहिलो पात्र पक्कै होईन। यस्तो घटना कि त अन्य एयरलायन्ससँग कमिसन खाने कर्मचारीले घटाउछन्, कि त यो एयरलायन्सको काम छैन’ उनले भनेकी छन्।
