साफ यू–१६ च्याम्पियनसिपमा नेपाल भारतसँग पराजित

काठमाडौँः नेपाली महिला टोली बिहीवार भएको खेलमा भारतीय टोलीसँग साफ यू–१६ महिला च्याम्पियनसिपमा पराजित भएको छ।

ललितपुरको सातदोबाटोस्थित एन्फा कम्प्लेक्सको मैदानमा बिहीवार भएको खेलमा भारतले घरेलु टोली नेपालमाथि १०–० को फराकिलो अन्तरले पराजित गर्दै फाइनलमा स्थान पक्का गरेको हो। च्याम्पियनसिपमा दोस्रो जित निकाल्दै भारतले उपाधिका लागि बंगलादेशसँगको भेट पक्का गरेको हो।

उता नेपाल भने पहिलो खेलमा बंगलादेशसँग २–० ले पराजित भएको थियो। दोस्रो खेलमा भने भुटानलाई ३–० को अन्तरले हराएको थियो। यो सँगै नेपालले तेस्रो स्थानमा रहेर च्याम्पियनसिप सकाएको छ। लिग चरणको अन्तिम खेलमा शुक्रबार बंगलादेश र भुटान खेल्नेछन्।