अछाममा प्रतिनिधि र प्रदेश सभाका उम्मेदवारद्वारा मनोनयन दर्ता, ४ जनाको स्वतन्त्र उम्मेदवारी
धनगढी: अछाममा प्रतिनिधि र प्रदेश सभाका उम्मेदवारले मनोनयन दर्ता गराएका छन्। प्रतिनिधि र प्रदेश सभा सदस्यका लागि १२ जनाले मनोनयन दर्ता गराएका हुन्।
प्रतिनिधि सभा निर्वाचन क्षेत्र नम्बर १ मा नेकपा एमालेका झपटबहादुर बोहरा, एकीकृत समाजवादीका शेरबहादुर कुँवर र हाम्रो नेपाली पार्टीका तेजबहादुर गुरुङले मनोनयन दर्ता गराएका छन्। त्यस्तै ४ जनाले स्वतन्त्र उम्मेदवारी दर्ता गराएका छन्। हिक्मत कुँवर, महेन्द्रबहादुर बोगटी, राजन कुँवर र जगतबहादुर रावलले प्रतिनिधि सभा सदस्यका लागि स्वतन्त्र उम्मेदवारी दिएका हुन्।
प्रदेश सभातर्फ निर्वाचन क्षेत्र नम्बर १ मा नागरि उन्मुक्ति पार्टीका विक्रम कुँवर, एमालेका देवबहादुर कुँवर र नेपाली कांग्रेसका मेघराज खड्काले मनोनयन दर्ता गराएका छन्। त्यसैगरी निर्वाचन क्षेत्र नम्बर २ मा एमालेका कृष्णप्रसाद जैशी र नेकपा माओवादी केन्द्रका झपटबहादुर साउँदले मनोनयन दर्ता गराएका छन्।
