टीकापुरमा मोटरसाइकल दुर्घटना हुँदा एक जनाको मृत्यु

धनगढीः कैलालीको टीकापुरमा मोटरसाइकल दुर्घटना हुँदा एक जनाको मृत्यु भएको छ।

टीकापुर नगरपालिका–१ शक्तिनगरका २२ वर्षीय बिनोद चौधरीको मृत्यु भएको हो। टिकापुर–८ फाँटामा रामकुमार चौधरीले चलाएको सुदूरपश्चिम प्रदेश ०१–००८ प ०८१३ नम्बरको मोटरसाइकल अनियन्त्रित भई मंगलवार दिउँसो दुर्घटना भएको थियो।

उक्त दुर्घटनामा परेर गम्भीर घाइते भएका चौधरीको टीकापुर अस्पतालमा उपचारको क्रममा मृत्यु भएको हो। मोटरसाइकल चालक रामकुमारलाई भने थप उपचारको लागि मेडिकल कलेज कोहलपुर रिफर गरिएको प्रहरीले जनाएको छ।