नेपाल प्रिमियर लिगः आजपनि दुई खेल हुँदै
काठमाडौंः सिद्धार्थ बैंक नेपाल प्रिमियर लिग(एनपिएल) मा बिहिवार दुई हुँदैछन्। आजको पहिलो खेलमा पोखरा एभेन्जर्स र जनकपुर बोल्ट्स खेल्न लागेका हुन्।
दुईबीचको खेल कीर्तिपुरमा रहेको टियु क्रिकेट मैदानमा बिहान ९ बजेपछि सुरु हुनेछ। पोखरा पहिलो खेलमा पराजित भएकाले यस खेलमा जितका साथ प्रतियोगितामा पहिलो जित हात पार्न चाहान्छन्। पोखरा पहिलो खेलमा चितवन राइनोजसँग ८७ रनले पराजित भएको थियो।
सुरुवाती दुवै खेलमा जित हासिल गरेको जनकपुर यस खेलमा पनि जितको लयलाई निरन्तरता दिन चाहन्छ। जनकपुरले पहिलो खेलमा विराटनगर किंग्स तथा दोस्रो खेलमा कर्णाली याक्सलाई समान ८ विकेटले हराएको थियो। पोखरा कुशल भुर्तेलको कप्तानीमा रहँदा जनकपुर अनिल शाहको कप्तानीमा रहेको छ।
आजै हुने दोस्रो खेलमा काठमाडौं गुर्खाज र सुदूरपश्चिम रोयल्सबीच खेल हुदैछ। टियु क्रिकेट मैदान कीर्तिपुरमा हुने खेल दिउँसो १ बजेबाट सुरु हुनेछ। १ खेलमा जित १ मा बेहोरेको काठमाडौं बलियो टोली सुदूरपश्चिमलाई हराएर जितको लयलाई निरन्तरता दिन चाहन्छ।
सुरुवाती खेलबाटै जितको लयलाई निरन्तरता दिएको सुदूरपश्चिमपनि जितको यात्रालाई निरन्तरता दिन चाहन्छ। पुस ६ गतेसम्म चल्ने एनपिएलमा ८ टोलीको सहभागिता छ। राउन्ड रोबिन लिगपछि शीर्ष ४ टोली प्लेअफमा प्रवेश गर्नेछन्।
