चट्याङ लागेर बैतडीमा दुई जना घाइते

बैतडीः बैतडीमा चट्याङ लागेर दुई जना घाइते भएका छन्।

शनिबार राति चट्याङ लागेर जिल्लाको दशरथचन्द नगरपालिका–१ खर्कका ३६ बर्षीय जयबहादुर भाट र २६ बर्षीय जगदीश भाट घाइते भएका हुन्।

घर नजिकैको दल्लाको रुखमा चट्याङ परेको र सोही चट्याङले दुवै जना घाइते भएको जिल्ला प्रहरी कार्यालय बैतडीका प्रहरी निरीक्षक खेमविक्रम केसीले बताए। घाइते भएका जयबहादुरको खुट्टामा चोट लागेको छ भने जगदीशको आँखामा चोट लागेको छ। घाइते दुवै जनाको जिल्ला अस्पताल बैतडीमा उपचार भइरहेको छ।