अछाममा भत्ता लिन बैङ्क गएकी महिला  पाँच दिनपछि मृत भेटिन 

अछामः अछाममा एक जना महिला मृत अवस्थामा भेटिएकी छन्।

जिल्लाको पञ्चदेवल विनायक नगरपालिका वडा नम्बर –६ तोली कि अन्दाजी ६१ बर्सिया कौशील्ला देवी रावल विनायक र कालिकास्थानको सिमाना नजिकै शुक्रवार मृत भेटिएकी जिल्ला प्रहरी कार्यालय अछामले जानकारी दिएको छ। घरबाट आफ्ना छोरा सँग पाँच दिन अघि सामाजिक सुरक्षा भत्ता लिन विनायकमा रहेको माछापुच्छ्रे बैङ्कमा गएकि उनी बेपत्ता भएकी थिइन्।

पारिवारिक स्रोतका अनुसार उनको मानसिक सन्तुलनमा केही समस्या रहेको र कान कम सुन्ने गर्थिन्। प्रहरीका अनुसार मध्य पहाडी सडक खण्डबाट करिब पाँच सय मिटर तल भिरमा शव फेला परेको हो। जिल्ला बाट प्रहरी निरीक्षकको नेतृत्वमा खटिएको टोली घटनास्थलमा पुगेर अनुसन्धान भइरहेको प्रहरीले जनाएको छ।