अमेरिकामा नेपाली उबर ड्राइभरमाथि दुर्व्यवहार गर्ने महिला पक्राउ
एजेन्सी: क्यालिफोर्नियाको सान फ्रान्सिस्कोमा नेपाली उबर चालक शोभाकर खड्कामाथि दुर्व्यवहार गर्ने महिला पक्राउ परेकी छन्।
चालकमाथि दुर्व्यवहार र लुटपाट गर्नखोजेको आरोपमा प्रहरीले दुईमध्ये एक जनालाई लास भेगासबाट बिहीबार पक्राउ गरेको हो ।
सान फ्रान्सिस्को प्रहरीले २४ वर्षीया मलेसिया किङलाई पक्राउ गरेकोे अमेरिकी सञ्चारमाध्यमले जनाएका छन्। किङलाई त्यहाँको समयअनुसार बिहीबार दिउँसो गिरफ्तार गरिएको सञ्चारमाध्यमहरुले जनाएका छन्।
गत आइतबार ट्याक्सीमा चढ्ने क्रममा महिलालाई मास्क लगाउन आग्रह गर्दा चालक खड्कामाथि उनीसहितका तीन महिलाले दुर्व्यवहार गरेका थिए । उनीहरुले दुर्व्यवहार गरेको उक्त भिडियो सार्वजनिक भएलगत्तै भाइरल बनेको थियो।
भिडियोमा मास्क लगाउन आग्रह गर्दा महिलाले खड्काको मोबाइल खोस्नुका साथै मास्कसमेत थुतेर चुँडालिदिएकी थिइन् । उनले खड्काको मुखैमा आएर पटकपटक खोकेकीसमेत थिइन्।
सम्बन्धित समाचार
नेपाली ड्राइभरमाथि महिलाले गरे हातपात(भिडियोसहित)
