गायक महराले ल्याए ‘मन होईजा सितल’
धनगढी: सुदूरपश्चिमका चर्चित डेउडा गायक ध्जव महराले डेउडा भाकामा आधारित ‘मन होईजा सितल’ बजारमा ल्याएका छन् ।
वरिष्ठ डेउडा गायकसमेत रहेका महराको स्वरमा रहेको गीति एल्बम ‘मन होईजा सितल’ को म्युजिक भिडिओसमेत सार्वजनिक गरिएको छ ।
कर्ण बोगटीको शब्द रचना रहेको उक्त गीतमा बरिष्ठ गायक महरा र चर्चित डेउडा गायिका लक्ष्मी नेपालीको स्वर रहेको छ । दुई हप्ताअघि युट्युबमा मार्फत सार्वजनिक भएको उक्त गीत हालसम्म ६८ हजार बढीले हेरेका छन ।
रमेश बिजुली बिसीको निर्देशनमा उत्पादन गरिएको उक्त म्यूजिक भिडियोमा रेश बिसी र मनिषा रावलले अभिनय गरेका छन ।
डोटीको पूर्बिचौकी गाउँपालिका घर भएका महरा सुदूरपश्चिमका चर्चित डेउडा गायक हुन् ।
महराले ‘गैजा डोटी गैजा’लगायतका दर्जनौं डेउडा गीतमा स्वर दिइसकेका छन । उनको स्वरमा रहेको ‘गैजा डोटी गैजा’ बोलको गीतको म्यूजिक भिडियो एक करोडबढीले हेरेको चर्चित गीत हो ।
