डोटीमा जिप दुर्घटना हुँदा २ जना घाईते

डोटीः डोटीमा जिप दुर्घटना हुँदा २ जना घाईते भएका छन्।

डोटीको बोगटान फुड्सिल गाउँपालिका–३ धुलाचौर स्थित भित्रि सडकखण्डमा दिपायलबाट कानाचौर तर्फ जाँदै गरेको चालक जोरायल गाउँपालिका–१ गैरा बस्ने २६ वर्षीय अर्जुन मल्लले चलाएको से १ ज ८३८ नम्बरको बोलेरो जिप गएराति ९ः४५ बजे दुर्घटना भएको हो।

जिप दुर्घटना हुँदा बोगटान फुड्सिल गाउँपालिका–३ कानाचौर बस्ने ३० वर्षीया ज्ञान कुमारी बोहरा र सप्तरी कंकाली नगरपालिका–४ बस्ने २४ वर्षीय काजल मण्डल घाइते भएको जिल्ला प्रहरी कार्यालय डोटीले जनाएको छ। घाईतेको स्थानिय स्वास्थ्य चौकीमा उपचार पश्चात थप उपचारको लागि दुबै जनालाई धनगढी तर्फ रिफर गरेको र चालक उपचारमा संलग्न रहेको प्रहरीले जनाएको छ। जिप सडकबाट अन्दाजी २० मिटर तल खसेर दुर्घटना भएको थियो।