रास्वपाको कार्यवाहक प्रवक्तामा रावल

काठमाडौंः राष्ट्रिय स्वतन्त्र पार्टी (रास्वपा) को कार्यवाहक प्रवक्ताको जिम्मेवारी प्रतिभा रावललाई दिइएको छ।

सह–प्रवक्ता रावललाई उक्त जिम्मेवारी दिइएको कार्यवाहक महामन्त्री कविन्द्र बुर्लाकोटीले जानकारी दिए। कार्यवाहक सभापति डोलप्रसाद अर्यालले रावललाई कार्यवाहक प्रवक्ताको जिम्मेवारी तोकेका हुन्। मिति २०८१।१०।०३ गतेदेखि मिति २०८१।१०।३० गतेसम्म कार्यवाहक प्रवक्ता मनिष झा निजी कार्यमा व्यस्त हुने भएपछि उल्लिखित अवधिका लागि कार्यवाहक सभापति डोलप्रसाद अर्यालबाट सहप्रवक्ता प्रतिभा रावललाई कार्यवाहक प्रवक्ताको जिम्मेवारी तोकिएको छ।