धनगढीको सहिद गेटमा दुई स्कुटर ठोक्किदा दुर्घटना

धनगढीः कैलालीमा दुई स्कुटर एक आपसमा ठोक्किदा दुर्घटना भएको छ।

जिल्लाको धनगढी उपमहानगरपालिका–३ सहिद गेट नजिक सोहि ठाउँका कृष्ण विष्टले चलाएको सुदूरपश्चिम प्रदेश ०१०१० प ६७७२ र नविन विष्टले चलाएको  सुदूरपश्चिम प्रदेश ०१०१२ प ७३०५ नम्बरका स्कुटर एक आपसमा ठोक्किदा दुर्घटना भएको हो।

उक्त दुर्घटनामा परेर चालक दुबै जना घाइते भएका छन्। यस्तै कृष्णको स्कुटर पछाडि सवार रहेका धनगढी–५ का सन्दीप चन्द घाइते भएको प्रहरीले जनाएको छ। घाइते तीनै जनाको स्वस्तीक अस्पतालमा उपचार भइरहेको छ।