टी–२० विश्वकपमा आज राति अमेरिका र पाकिस्तान खेल्दै

आईसीसी टी–२० विश्वकप क्रिकेटमा आज राति अमेरिका र पाकिस्तान खेल्दैछन्।

समूह ‘ए’ को यो खेल अमेरिकाको डालासमा रहेको ग्रान्ड पेरी स्टेडियममा राति सवा ९ बजे सुुरु हुनेछ। अमेरिका र पाकिस्तानले एकअर्कासँग अहिलेसम्म कुनै टी–२० अन्तर्राष्ट्रिय क्रिकेट खेलको छैनन्। आजको खेल यी दुई टोलीबीचको पहिलो भेट हुनेछ। प्रतियोगितामा अमेरिकाले दोस्रो र पाकिस्तानले पहिलो खेल खेल्न लागेका हुन्।

अमेरिकाले पहिलो खेलमा क्यानडालाई हराएको थियो। अमेरिका २ अङ्कसहित तालिकाको दोस्रो स्थानमा छ। टी–२० विश्वकपमा आज बिहान भएका खेलमा अस्ट्रेलियाले ओमानलाई र युगान्डाले पपुवा न्यु गिनीलाई हराएको छ।