डडेल्धुरामा मिनी ट्रक दुर्घटना, सहचालकको मृत्यु

डडेल्धुराः डडेल्धुरामा मिनी ट्रक दुर्घटना भएको छ।

गएराति ११ बजे अमरगढी नगरपालिका-१ मा बागमती प्रदेश ०१००४ क २२५३ नम्बरको मिनी ट्रक दुर्घटना हुँदा सोही ठाउँ बस्ने सहचालक २२ वर्षीय केशब ऐरको मृत्यु भएको जिल्ला प्रहरी कार्यालय डडेल्धुराका प्रहरी नायब उपरिक्षक दिपककुमार कार्कीले जानकारी दिए।

ट्रकमा चालक र सहचालक गरी २ जना सवार रहेका थिए। कार्कीका अनुसार सहचालक केशबको मृत्यु भएको छ भने चालक ३२ वर्षीय रामबहादुर ऐर भने अहिलेसम्म सम्पर्क विहीन रहेका छन्। उनको खोजी भइरहेको प्रहरीले जनाएको छ। उनीहरु अमरगढी नगरपालिका-१ को कालिका निमार्ण सेवाबाट काम गरेर घर फर्कीरहेका थिए।