टी–२० विश्वकप आजदेखि सुरुः उद्घाटन खेलमा को–को भिड्दै?

काठमाडौंः आईसीसी टी–२० विश्वकप क्रिकेट प्रतियोगिता आज बिहान सुुरू हुँदैछ। उद्घाटन खेलमा सहआयोजक अमेरिका र क्यानडा बिहान सवा ६ बजे प्रतिस्पर्धामा उत्रँदै छन्।

समूह ‘ए’को यो खेल डल्लासको ग्रान्ड प्रेरी रंगशालामा हुँदैछ। अमेरिका र वेस्ट इन्डिजको संयुक्त आयोजनामा हुन गइरहेको प्रतियोगिता नेपाली समयअनुसार जुलाई २ मा सकिँदैछ। प्रतियोगितामा २० टोली सहभागी हुँदैछन्।

आज साँझ सवा ८ बजे सहआयोजक वेस्ट इन्डिज र पपुवा न्यूगिनीबीच प्रतिस्पर्धा हुनेछ। समूह ‘डी’मा रहेको नेपालले भने पहिलो खेलमा जुन ५मा नेदरल्यान्ड्ससँग प्रतिस्पर्धा गर्नेछ। नेपालको समूहमा दक्षिण अफ्रिका, श्रीलंका, बंगलादेशजस्ता टेस्ट राष्ट्र पनि छन् ।