आरबीबी–एनभीए भलिबलमा पुलिसलाई हराउँदै एभरेष्ट बन्यो च्याम्पियन

काठमाडौंः ८औं आरबीबी–एनभीए भलिबल च्याम्पियनसीपको महिलातर्फको उपाधि एभरेष्ट भलिबल क्लब बुटवलले जितेको छ।

त्रिपुरेश्वरस्थित राष्ट्रिय खेलकुद परिषद (राखेप)को कभर्डहलमा शनिबार भएको फाइनलमा एभरेस्टले साविक विजेता नेपाल पुलिस क्लबलाई ३–१ को सोझो सेटमा हराएको हो।

एभरेष्टले पहिलो सेट १९–२५ ले गुमाएको थियो । त्यसपछि लगातार तीन सेटमा जित निकाल्दै उपाधि जितेको हो। एभरेष्टले दोस्रो २५–२२, तेस्रो २५–१८ र चौथो सेट २५–१९ जितेको थियो। च्याम्पियन बनेसँगै एभरेस्टले ५ लाख रुपैयाँसँगै कप, मेडल र प्रमाणपत्र प्राप्त गरेको छ। दोस्रो भएको पुलिसले २ लाख रुपैयाँ, कप, मेडल र प्रमाणपत्र पाएको छ।