अछाममा भिरबाट लडेर एक जनाको मृत्यु

अछामः अछाममा भिरबाट लडेर एक जनाएको मृत्यु भएको छ।

जिल्लाको ढकारी गाउँपालिका–३ हिच्माका पहराम बुढाको छोरा ५५ वर्षीय गोरे बुढाको भिरबाट लडेर आइतबार मृत्यु भएको हो। घरदेखि करिब ४ घण्टा पश्चिमतर्फ रहेको पितर देउता मन्दीरमा पुजा गर्न गएको र सांझ घर फर्कने बेला चौपारा टाकुरा डाँडाको भिरबाट लडेर उनको मृत्यु भएको प्रहरीले जनाएको छ।

सो स्थानमा जिल्ला प्रहरी कार्यालय अछाम र प्रहरी चौकी ढकारी अछामबाट प्रहरी टोली खटिएर थप अनुसन्धान भईरहेको छ।