भारतबाट नेपाल आउने क्रममा बझाङका एकजना बेपत्ता

धनगढी: भारतबाट नेपाल आउने क्रममा बझाङका एक पुरुष बेपत्ता भएका छन्। खप्तड छान्ना गाउँपालिका वडा नम्बर २ का रामबहादुर रोकाया भारतको ब्याङलोरबाट नेपाल आउने क्रममा बेपत्ता भएका हुन्। 

शनिबार गौरीफन्टा नाका हुँदै आइतबार घर फुग्ने भनिएकोमा उनी अझै सम्पर्कमा नआएको बुहारी चन्द्रादेवी रोकायाले बताएकी छिन्। उनका अनुसार उनीसँगै रहेका एक जना घर पुगिसकेका छन्।  रोकाया कसैको सम्पर्कमा आए फोन नम्बर ९८४८४०४५०६ मा सम्पर्क गर्न चन्द्रादेवीले अनुरोध गरेकी छिन्।