युनिभर्सिटीमा गोली चल्यो, पाँच जनाको मृत्यु

मस्कोः रुसको पर्म स्टेट युनिभर्सिटीमा सोमबार गोली चलेको छ। गोली चल्दा पाँच विद्यार्थीको मृत्यु भएको छ भने कैयौं घाइते भएको बताइको छ। स्थानीय मिडियाका अनुसार युनिभर्सिटीका कैयौं विद्यार्थी र शिक्षकहरु कक्षाकोठाभित्रै थुनिएका छन्।

अज्ञात व्यक्तिले गोली चलाउँदा पाँच विद्यार्थी मारिएको र ६ विद्यार्थी गम्भीर घाइते भएको रोयटर्सले जनाएको छ। यद्यपि, टेलिग्राम च्यानलले भने शिक्षक विद्यार्थीसहित करिब ११२ को मृत्यु भएको जनाएको छ।

रुसको अनुसन्धान आयोगले सो घटनाको अनुसन्धान अघि बढाएको छ।