कोरोना संक्रमणबाट बेलायतमा थप एक नेपाली महिलाको मृत्यु

कोरोना संक्रमणबाट बेलायतमा थप एक नेपाली महिलाको मृत्यु भएको छ। सडवरी टाउनमा बस्दै आएकी पोखराकी पुष्पा घलेको कोरोना भाइरस (कोभिड १९) बाट मृत्यु भएको सञ्चार माध्यमले जनाएको छ।

बेलायतबाट सञ्चालिक एक अनलाइन नेपाली पत्रिकाका अनुसार उनी एक होम केयरमा काम गर्दै आएकी थिइन्। ज्वरो र खोकी लागेपछि उनी घरमै आइसोलेशनमा बस्दै आएकी थिइन्। तर, शनिबार अचानक श्वासप्रश्वासमा समस्या आएपछि घलेलाई नर्थवीक पार्क अस्पताल लगिएको थियो।

अस्पताल पुर्याइएको करिब ४ घण्टापछि घलेको मृत्यु भएको र उनको मेडिकल रिपोर्टमा कोरोना पुष्टि भएको बताइएको छ। मृतक घलेकी श्रीमान र एक छोरा छन्। उनी करिब १० वषदेखि लण्डनको सडवरी टाउनमा बस्दै आएकी थिइन्।