खैरो हेरोइनसहित धनगढीमा २ युवती र एक युवक पक्राउ
धनगढीः खैरो हेरोइनसहित धनगढीमा २ युवती र एक युवक पक्राउ परेका छन्।
धनगढी उपमहानगरपालिका-१२ जुगेडाबाट धनगढी उपमहानगरपालिका-१ शिवनगर बस्ने २२ वर्षीया अस्मीता चौधरी र धनगढी उपमहानगरपालिका-९ बस्ने २२ वर्षकै रमिता चौधरी पक्राउ परेकी छिन्। यी दुबै जनालाई १ ग्राम ६ सय मिलिग्राम खैरो हेरोइनसहित जिल्ला प्रहरी कार्यालय कैलालीबाट खटिएको प्रहरी टोलीले नियन्त्रणमा लिएको हो।
यसैगरी धनगढी उपमहानगरपालिका-१३ राजपुरबाट डडेल्धुरा को अमरगढी नगरपालिका-५ घर भई हाल धनगढी उपमहानगरपालिका-१३ कोठा गरी बस्ने २४ वर्षीय मिनबहादुर बिष्ट पक्राउ परेका छन्। बिष्टलाई २ ग्राम ४० मिलिग्राम खैरो हेरोइनसहित वडा प्रहरी कार्यालय धनगढी र लागू औषध नियन्त्रण व्युरो शाखा कार्यालय धनगढीबाट संयुक्त रुपमा खटिएको प्रहरी टोलीले नियन्त्रणमा लिएको छ। तीनै जनालाई नियन्त्रणमा लिई थप अनुसन्धान भईरहेको प्रहरीले जनाएको छ।
