अमेरिकन क्रिकेटर सिंह सुदूरपश्चिम रोयल्समा अनुबन्ध

नेपाल प्रिमियर लिग (एनपिएल) टोली सुदूरपश्चिम रोयल्सले भारतीयमूलका अमेरिकी अलराउन्डर हरमित सिंहलाई अनुबन्ध गरेको छ। उनी एनपिएल खेल्न नेपाल आइपुगिसकेका छन्।

हरमितले केही महिनाअघि अमेरिका र वेस्ट इन्डिजमा सम्पन्न टी–२० विश्वकपमा उत्कृष्ट प्रदर्शन गरेका थिए। उनले हालसम्म २३ टी–२० आई र १० ओडिआई खेलेका छन्। हरमित सन् २०१२ मा भारतले यू–१९ विश्वकप जित्दाका सदस्य थिए। उनको आगमनले सुदूरपश्चिमको टिम थप सन्तुलित देखिनेछ।

जारी एनपिएलमा सुदूरपश्चिमले चार म्याच खेल्दा तीनमा जित र एक खेलमा हार बेहोरेको छ। उसले चौथो खेलमा बुधबार जनकपुर बोल्ट्सको सामना गर्नेछ। सुदूरपश्चिम अहिले ६ अंकसहित तालिकाको तेस्रो स्थानमा छ। सुदूरपश्चिममा स्टार अलराउन्डर दीपेन्द्रसिंह ऐरी कप्तान छन्। यस्तै, सुदूरपश्चिमको मेन्टरमा अस्ट्रेलियाका ब्राड हज तथा मुख्य प्रशिक्षकमा नेपाली टोलीका पूर्वप्रशिक्षक जगत टमाटा रहेका छन्।