आज यी ३ प्रदेशमा वर्षाको सम्भावना

धनगढीः आज तीनवटा प्रदेशमा हल्कादेखि मध्यम वर्षाको सम्भावना रहेको जल तथा मौसम विज्ञान विभागले जनाएको छ।

विभागका अनुसार हाल लुम्बिनी, सुदूरपश्चिम र कर्णाली प्रदेशमा पश्चिमी वायुको सामान्य प्रभाव रहेको छ। यस्तै, कोशी, मधेश, वागमती र गण्डकीमा पश्चिमी वायुको आंशिक प्रभाव छ। 
आज दिउँसो कोशी, वागमती र गण्डकीका पहाडी भेगका थोरै तथा बाँकी प्रदेशका पहाडी इलाकाका १–२ ठाउँमा हल्का वर्षा हुने सम्भावना छ। आज राति कोशी र गण्डकीका पहाडी भेगका १–२ स्थानमा हल्कादेखि मध्यम वर्षा हुने सम्भावना छ।