महिला एसिया कप त्रिकेटको फाइनलमा भारत र श्रीलंका भिड्दै

काठमाडौं: एसीसी महिला एसिया कप क्रिकेटको उपाधिका लागि आज आयोजक श्रीलंका र भारत आमने सामने हुदैछन्। खेल डम्बुलामा दिउँसो सवा तीन बजे हुनेछ।

घरेलु मैदानको फाइदा उठाउदै श्रीलंका पहिलो पटक उपाधि जित्ने लक्ष्यमा मैदान उत्रने छ भने भारत आठौं उपाधि रक्षा गर्ने योजनामा छ। पाकिस्तानलाई ३ विकेटले पराजित गर्दै श्रीलंका फाइनल पुगेको हो भने बंगलादेशलाई हराउदै भारत उपाधि नजिक पुगेको हो।

यो सँगै भारत महिला एसिया कपको फाइनलमा नवौ पटक पुगेको छ भने सात पटकको च्याम्पियन पनि हो। पाँच पटक फाइनल पुगे पनि श्रीलंका भने अहिले सम्म उपाधि जित्नबाट चुकेको छ। दुई समूहमा विभाजन गरिएका आठ टिममध्ये समूह ‘ए’को भारत र ‘बी’को श्रीलंकाले फाइनल खेल्न लागेका हुन्।