सुदूरपश्चिम ललितपुर मेयर्स कप महिला क्रिकेटटको फाइनलमा

‘ललितपुर मेयर्स कप महिला टी–२० क्रिकेट’ प्रतियोगिताको फाइनलमा पुग्न सुदूरपश्चिम प्रदेश सफल भएको छ।

आज(शुक्रवार) कीर्तिपुरको त्रिवि क्रिकेट मैदानमा भएको समूह चरणको अन्तिम खेलमा बागमती प्रदेशलाई १ सय ९ रनले हराउँदै सुदूरपश्चिम फाइनलमा पुगेको हो। सुदूरपश्चिमले दिएको १ सय ५८ रनको लक्ष्य पछ्याएको बागमती १६ ओभर १ बलमा ४८ रनमै अल आउट भयो।

बागमतीकी कृष्मा गुरुङले सबैभन्दा धेरै १६ रन बनाइन्। सुदूरपश्चिमकी ऋतु कनौजियाले ३ तथा कविता जोशी र लक्ष्मी साउदले समान २ विकेट लिइन्। यसअघि टस हारेर ब्याटिङ गरेको सुदूरपश्चिमले २० ओभरमा २ विकेट गुमाएर १ सय ५७ रन बनायो।

सुदूरपश्चिमकी सम्झना खड्काले नट आउट ७४ रन बनाइन्। बागमतीकी कृष्मा गुरुङले १ विकेट लिइन्। अब सुदूरपश्चिमले उपाधिका लागि भोलि सशस्त्र प्रहरी बलको एपीएफ क्लबसँग खेल्नेछ।