अछाममा विद्यार्थी बोकेको ट्याक्टर दुर्घटना हुँदा एकको मृत्यु, चार जना घाइते

अछामः  अछाममा विद्यार्थी बोकेको ट्याक्टर दुर्घटना हुँदा एक बालिकाको घटना स्थलमै मृत्यु भएको छ।

जिल्लाको मेल्लेख गाउँपालिका–३ बुढाखोलामा भएको ट्याक्टर दुर्घटनामा १६ वर्षीया मनिषा बुढाको मृत्यु भएको हो। दुर्घटनामा अन्य चार जना किशोरी घाइते भएको र उनीहरुको जिल्लामा उपचार भयरहेको जिल्ला प्रहरी कार्यलय अछामका सूचना अधिकारी प्रहरी निरीक्षक कैलाश बिष्टले बताए। साँफेबाट गएको से २ त ४३३१ नम्बरको ट्र्याक्टर दुर्घटनामा परेको हो।

घाइते हुनेमा १५ वर्षीया सुस्मिता बुढा, १४ वर्षीया पार्वती बुढा, करिश्मा बुढा, कक्षा ६ मा पढ्ने १२ वर्षीया पुष्पा बिक रहेका छन्। उनीहरू पिपलसैन माद्यामिक विद्यालयमा अध्ययनरत विद्यार्थीहरू हुन्। शाहुसँग सम्पर्क भएको तर गाडी चालक फरार रहेकाले उनको खोजी भइरहेको प्रहरीले बताएको छ।दुर्घटनाको कारण भने खुलेको छैन्।