दुबईमा जन्मदिन मनाउने तयारी गरिरहेका एक नेपालीको निधन

दुबईमा जन्मदिन मनाउने तयारी गरिरहेका एक नेपालीको निधन भएको छ। १० वर्षदेखि यूएईको ट्रान्सगार्ड सेक्युरिटी कम्पनी दुबईमा कार्यरत मोरङ बेलबारीका ५२ वर्षीय दीपक पराजुलीको निधन भएको बताइएको छ।

आइतबार बिहान उनको हृदयघातका कारण निधन भएको परिवार स्रोतले जनाएको छ। स्रोतका अनुसार सामान्य ज्वरो आएका कारण उनी केही दिनदेखि कोठामै थिए। कोठामै रहेर औषधि लिईरहेका उनी एक्कासी ढलेपछि साथीभाइ तथा कम्पनीको सहयोगमा डीआईपीमा रहेको एनएमसी रोयल अस्पताल लगिएको थियो।  

अस्पताल पुर्याएलगत्तै डाक्टरले दीपकको मृत्यु भइसकेको घोषणा गरेका थिए। उनको शव अहिले सोही अस्पतालमा राखिएको एनआरएनए यूएईले जनाएको छ। वैदशिक रोजगारीका लागि यूएईमा रहेका दीपकको श्रीमती र दुई छोरा छन्। छोराहरु पनि वैदेशिक रोजगारीमा रहेको पारिवारिक स्रोतले जनाएको छ।