गोदावरी र धनगढीबाट लागूऔषधसहित २ जना पक्राउ
२०८२ वैशाख ३, ०८:५२
धनगढीः कैलालीको गोदावरी र धनगढीबाट लागूऔषधसहित २ जना पक्राउ परेका छन्।
धनगढी उपमहानगरपालिका–३ बोराडाडीबाट ४ ग्राम ६ सय मिलिग्राम लागुऔषधसहित लम्की चुहा नगरपालिका–७ बस्ने २५ वर्षीय अजय चौधरी पक्राउ परेका छन्। चौधरीलाइ जिल्ला प्रहरी कार्यालय कैलाली र अस्थायी प्रहरी पोष्ट चटकपुरबाट खटिएको प्रहरी टोलीले मंगलवार नियन्त्रणमा लिएको छ।
यसैगरी गोदावरी नगरपालिका–४ बसन्तपुरबाट १ ग्राम ३ सय मिलिग्राम लागूऔषधसहित सोही ठाउ बस्ने एक जना १७ वर्षीय किशोरलाई इलाका प्रहरी कार्यालय मालाखेती कैलालीबाट खटिएको प्रहरी टोलीले नियन्त्रणमा लिएको छ। सो सम्बन्धी थप अनुसन्धान भईरहेको प्रहरीले जानाएको छ।
कमेन्ट लोड गर्नुस