कैलाली र कञ्चनपुरबाट अबैध सामान बरामद

धनगढीः कैलाली र कञ्चनपुरबाट अबैध सामान बरामद गरिएको छ।

कैलालीको धनगढी उपमहानगरपालिका–१९ खेदाघाट र भजनी नगरपालिका–६ नबलपुरबाट प्रहरीले अबैध सामान बरामद गरेको हो। करिब ४६ हजार ६ सय मुल्यको बदाम, सुर्ती, बिडी, झ्यालको हुकलक, कब्जा, हत्ता, चिटकनी, छिद्रा माछा लगायतका सामान प्रहरी गस्ती टोलीले नियन्त्रणमा लिएको हो।

यस्तै कञ्चनपुरको भीमदत्त नगरपालिका–९ तुम्डानी र पुनर्वास नगरपालिका–९ धनसिगाबाट पनि अबैध सामान बरामद गरिएको छ। करिब ९९ हजार ५२० मुल्यको खाने तेल, बिडी, सुर्ती, पेय पदार्थ, नमकिन, सुपारी, एक थान मोटरसाइकल लगायतका सामान  जिल्ला प्रहरी कार्यालय कञ्चनपुर र मातहत कार्यालयबाट खटिएको प्रहरी गस्ती टोलीले नियन्त्रणमा लिएको हो।