अछाममा ट्रक दुर्घटना हुँदा पाँच जना घाइते

अछामः अछाममा ट्रक दुर्घटना भएको छ।

जिल्लाको मंगलसैन नगरपालिका–१४ कालागाउँमा टिप्पर दुर्घटना भएको प्रहरीले जनाएको छ। उत्तीसको काठ बोकेर नेपालगञ्ज जाँदै गरेको ना ६ ख ८३१९ नम्बरको ट्रक कच्ची सडक भाँसिएर दुर्घटना भएको हो।

उक्त दुर्घटनामा परेर ट्रकमा सवार चालकसहित पाँच जना घाइते भएका छन्। घाइतेहरुलाई स्थानीय स्वास्थ्य चौकीमा सामान्य उपचारपश्चात थप उपचारका लागि जिल्ला अस्पताल अछाम पठाएको छ। घटनाको पुर्ण विवरण आउँन बाकि छ।