अछाममा लागुऔषधसहित तीन जना पक्राउ
२०८१ साउन १९, ०८:५६
अछामः अछाममा लागुऔषधसहित तीन जना पक्राउ परेका छन्।
जिल्लाको कमलबजार नगरपालिका–६ गैरीटाँड बजारबाट कमलबजार–५ कुईकाका ६७ वर्षीय गोरे चलाउने र सोही नगरपालिका–६ बिरपथका ५९ वर्षीय कलम शाही पक्राउ परेका छन्।
जिल्ला प्रहरी कार्यालय अछाम र अस्थायी प्रहरी पोष्ट गैरीटाँडबाट खटिएको प्रहरीले सोही ठाउँस्थित नेत्र कोल्ड स्टोर संचालन गर्ने गोरेलाई १ सय ३२ ग्राम र तरकारी तथा खुद्रा पसल संचालन गर्ने कलमलाई १ सय १४ ग्राम लागुऔषधसहित पक्राउ गरेको हो।
यस्तै मंगलसेन नगरपालिका–६ ठुलासैनबाट डोटीको दिपायल सिलगढी नगरपालिका–५ का २३ वर्षीय अरूणजंग टेलरलाई पनि प्रहरीले पक्राउ गरेको छ। उनालाई १ ग्राम ५ सय ४० मिलिग्राम लागुऔषधसहित अस्थायी प्रहरी पोष्ट ठुलासेनबाट खटिएको प्रहरीले टोलीले पक्राउ गरेको हो।
कमेन्ट लोड गर्नुस