काभा यू–२० महिला भलिबलमा नेपालको पहिलो जित 

माल्दिभ्समा जारी काभा यू–२० महिला भलिबल च्याम्पियनसिपमा नेपाली टोलीले पहिलो जित हासिल गरेको छ।

नेपाली टोलीले शनिवार भएको खेलमा आयोजक माल्दिभ्सलाई ३–० को सोझो सेटमा हराएको हो। नेपालले माल्दिभ्सलाई २५–१६, २५–९, २५–१० ले हरायो।

यसअघि भएका अघिल्ला दुई खेलमा नेपाल हारेको थियो। पहिलो खेलमा नेपाल श्रीलंकासँग ३–१ सेटमा पराजित भएको थियो भने दोस्रो खृलमा कीर्गिस्तानसँग ३–० को सेटमा पराजित भएको थियो। लिग चरणमा नेपाल तेस्रो स्थानमा छ।