बैतडीमा एक महिलाको शव फेला 

बैतडीः बैतडीमा एक महिलाको शव फेला परेको छ।

बैतडीको दशरथचन्द नगरपालिका-६ स्थित महाकाली र चमेलिया नदीको दोभान खुटिया भन्ने स्थानमा दार्चुला घर भएकी महिलाको शव सोमवार बिहान फेला परेको जिल्ला प्रहरी कार्यालयका प्रवक्ता प्रहरी निरीक्षक बलराम पाण्डेले जानकारी दिए। 

दार्चुलाको लेकम गाउँपालिका-४ दमसैना घर भएकी २२ वर्षीया हेमन्ती गिरीको शव फेला परेको प्रहरी निरीक्षक पाण्डेले जानकारी दिए। यही असार ८ गते घरबाट हराएकी हेमन्तीको शव फेला परेको बताइएको छ। घटनाका विषयमा थप अनुसन्धान भइरहेको र विस्तृत विवरण आउन बाँकी रहेको जिल्ला प्रहरी कार्यालय बैतडीले जनाएको छ।