माओवादी केन्द्रको धनगढी अध्यक्षमा ऐर

धनगढी : नेकपा (माओवादी केन्द्र) धनगढी उपमहानगरपालिकाको अध्यक्षमा बल बहादुर ऐर निर्वाचित भएका छन्। पार्टीको धनगढी उपमहानगरपालिका अधिवेशनबाट अध्यक्षमा ऐर निर्वाचित भएका हुन्।

ऐरले निकटतम प्रतिद्वन्द्वी ललित खत्रीलाई पराजित गरेका छन। ११ जना उम्मेदवार रहेकामा उपाध्यक्षमा रमेश भट्टराई, राम बहादुर चौधरी, तथा धन बहादुर चौधरी निर्वाचित भएका छन्।

यस्तै सचिवमा सुरेश सुनार, सह सचिवमा मुकेश रैका र कोषाध्यक्षमा सविन गिरी निर्वाचित भएका छन्।

पार्टीको दोश्रो अधिवेशनबाट ७१ सदस्यीय उपमहानगर समिति निर्वाचित भएको बताइएको छ।