बहराइनमा एकैपटक ३१ नेपालीमा कोरोना पुष्टी, संक्रमितको संख्या १५७ पुग्यो

बहराइनमा एकैपटक ३१ जना नेपालीमा कोरोना पुष्टी भएको छ। एकै पटक ३१ जनामा कोरोनाको संक्रमण पुष्टि भएसँगै कोरोना संक्रमित नेपालीको संख्या १ सय ५७ पुगेको बहराइनमा रहेको नेपाली दूतावासले जानकारी दिएको छ। दूतावासले बिहीबार  विज्ञप्तिमा जारी गर्दै लेखिएको छ– यसअघि १ सय २६ जना संक्रमित थिए। ३१ जना थपिएसँगै संक्रमितको संख्या १ सय ५७ पुगेको छ।
हालसम्म बहराइनमा १ हजार ५ सय ३४ जना संक्रमित भेटिएका छन्। ८ जनाको मृत्यु भएको छ। कोरोनाबाट बहराइनमा कुनै पनि नेपालीको भने मृत्यु भने भएको छैन्। बहराइन सरकारले सबै नेपालीको आफ्ना नागरिक सरह नै उपचार गरिरहेको र अवस्था सामान्य रहेको दूतावासको भनाइ छ।